البنت ما تنلام .... لا تفوتكم

قصيده اعجبتني مره مغازيها ومعانيها ومجمل موضوعها بشكل عام لا للقافيه والوزن وهي للشاعر ابراهيم العسيري
(قصيده مميزه وتستاهل وانا اجيزك يا استاذ ابراهيم وفالك المليون ) الدكتور عدنان على غفله

ياللي تلوم البنت غلطـان غلطـان
البنـت مـا تنـلام ينـلام ابوهـا
الرجل اساس البيت والام الاركـان
والنسل أمانـه عندهـم يحتموهـا
والسفن وسط البحر تحتاج ربـان
من لطمة امواج البحـر ينقوذهـا
عشنا وشفنا يا علي شوف الاعيـان
عاداتـنـا قدامـنـا دمـروهــا
البنت وسط السوق في لبس فتـان
مالوم من في السـوق لويلحقوهـا
الجنز يرسم رسم والوسط عريـان
تفتـح عبايتهـا لـمـن قابولـهـا
اغوت عبـاد الله شايـب وشبـان
والنفس تامر سوء لـو طاوعوهـا
مات الخجل فيها وصاير خبر كان
وايضا قويـة عيـن لوينصحوهـا
لا تحسبي يا بنت بيكون لك شـان
ترى الرخيصه كلهـم يكرهوهـا
واسباب هذي المشكله ضعف الايمان
والاهل خلـو التربيـه واهملوهـا
تلقى ابوها خارج البيـت سهـران
والام مشغولـه بمـن زاوروهـا
والبنـت خلـو تربيتهـا لشيطـان
شيطان وسط البيت لـه سلموهـا
من صنع عبّاد ابن مريـم والاوثـان
بفكـار غربيـه لنـا دبلجـوهـا
والله غزونا ياعرب دون فرسـان
بنت العروبه هالنصارى غزوهـا
خوفي على الاجيال مع مر الازمان
ان كان هذي المشكلـه محتووهـا
ياهل الشيم والعز في كل الاوطـان
عوايـد اجـدادٍ لـنـا ((((((جـددوهـا))))))
مستخلصه من نور سنـه وقـرآن
لجيالكـم ياهـل الشيـم درسوهـا
وختامها صلوا على نسل عدنـان
يالي قريت القـاف او يسمعوهـا

مشكور اخوي على المرور ويعطيك العافيه

اشكرك من قلبي على مرورك