الم الفراق

ماتقبلت الفراق وماليدي فيه حيله
ااه لو ان الظروف تكشف قدرها
لويعرف الشخص منا وش
مع الغيب بيجيله,,كان تجنبنا المشاكل من قبل يوقع ضررها
ماهقيت الليله اللي جابت الفرقا طويله,,
لين صارت ليله الفرقا بعيني اطول من شهرها
والعذاب اللي يذوب بعين من يفقد خليله ,,
عندي اكبر من عذاب العين لو تفقد نظرها
والصديق اللي صدوده مثل مداته جزيله,,
صد عني واعرفه لو صد عن حاجه هجرها
كن روحي يوم حست في جفاه وصعب نيله
,,بشرتني وشدت العزم لسفرها
مارحمها من هلاك وما تقبلها دخيله,,
تحتضر قدام عينه لين ماتت من قهرها
عادت ليت اللي ذبحها وارهب الموت بوسيله,,
مادفن وجه الضحيه والسكاكين بنحرها
ليت قلبه يوم طاوع فعلته كمل جميله,,
لو غسلها من عروقه ويكفن صدره قبرها
من حفر بظلوع قلبه حفره تكفي قتيله,,
ليش مايدفن قتيله بالضلوع اللي حفرها.
.....اتمنى انها نالت استحسانكم.......
اختكم
جامل تنحب